دیل ایله درویشلیک اولماز,حالی گرک یول اهلی نین

آریلرین هر چیچکدن,بالی گرک یول اهلی نین!

کئچمک گرک دورد قاپیدان,قورتولاسان مورببیدن

مورببیدن موساهیبدن,الی گرک یول اهلی نین!

من گزه رم دردلی-دردلی,اوتر فیرقتلی-فیرقتلی

بولبول کیمی اونو دادلی,دیلی گرک یول اهلی نین!

من گزه رم آییق-آییق,دریالاردا اولور قاییق

بولبوللری شاها لاییق,گولو گرک یول اهلی نین.

خطایم دئر: قوشاق قوشان,توز اولور تورابا دوشن

بودور درویشلییه نیشان,یولو گرک یول اهلی نین!